- 76 -

1302, Juli 6. Schönau.

Hermann v. Barboy, Landeshauptmann von Schlesien, verreicht dem Apetzko, genannt Schaf, die Einkünfte von 20 Mark im Dorfe Reichenau zu Lehnrecht.

In nomine domini amen. Quoniam generatio preterit et generatio advenit nichilque permanens est sub sole sed vanitati subiacent universa, ideoque frugi esse dinoscitur facta hominum digna memoria scripti testimonio ac annotacione testium perhennare. Hinc est, quod nos Hermanus de Barboy capitaneus Slezie tenore presentium literarum recognoscimus publice profitentes, quod, pensatis fidelibus serviciis nobis per Apetzchonem dictum Schaf pluries exhibitis et que ipsum ad presens nobis incessanter exhibere sentimus et que ipsum nobis exhibiturum firmiter credimus in futurum, eidem Apeczchoni, cum ipsum ante bellum habitum circa Falkenberg militem faceremus, in villa Richenow viginti marcarum reditus contulimus sibi ac heredibus suis iure feodali et sine servitio quolibet perpetuo possidendos. Ad cuius evidentiam prefato domino Apeczchoni Schaf ac suis heredibus hanc literam sine omni calumpnia conscriptam dedimus nostri presentis sigilli appensione munitam. Datum Schonow anno domini millesimo tricentesimo secundo in octava Apostolorum Petri et Pauli presentibus pluribus testibus infrascriptis videlicet: dominis Cunemanno de Silicz, Gunthero de Kuchsburch, Jenchino de Peschen, Magno de Borenewicz et pluribus aliis ac Jacobo prothonotario, cuius manibus presentia sunt conscripta.

Or. Perg. An einem Pergamentstreifen das guterhaltene S. des Hermann v. Barboy.
Pfotenhauer, Siegel S. 30 (B. V. 42). Vgl. Stenzel, Gründungsbuch von Heinrichau, S. 87. Note 164.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.